Gateau sable حلوى ديال الدقيق – هدى اليداري

400 غ زبدة مرخوفة + 400 غ سكر كلاصي + نص كاس زيت + خمارة حلوى + 2 فرماج مربع او مثلث + طحين حسب الخليط + فاني
نجمعوها وتقسم على 4
الشكل الاول : ناخد كورة من العجين نقسمها على 2 واحد ندير فيه بودرة الكاكاو والاخر نخليه ابيض ونسرحهم بالمدلك بين 2 ميكات و ندهن العجين الابيض بم ك الماء باليد او بالشيتة ونحط فوق منها العجين الاسود ونعاود نسرحها بالمدلك
وندهنها من الفوق ب م ك الكونفتير ونلويها على شكل فقاص غير 2 او 3 المرات ونقطع كتكون على شكل حرابل وكندخلها المجمد 10 دقايق او 15 دقيقة ونخرجها ونقطعها على شكل دوائر ونديرها طيب
ممكن ندهن الحرابل ببيضة قبل ما دخل الثلاجة وندوزوه في الكاوكاو مهروش
الشكل الثاني : نسرح العجين ونطبعو بالطابع ديال الصابلي بالاشكال اللي بغيت وتكون رقيقة و نلصقهم من بعد ما طيبو بالكونفتير
باش الكونفتير يلصق مزيان : ناخد قرعة ونديرها في كاصرونة فوق النار + 2 م ك سنيدة غير تسخن ونحيدها
الشكل الثلث : نسرحها ونطبعها باشكال مختلفة ونطيبها