طورطة بالتفاح – هدى اليداري

لاباط بريزي : رابعة فورص + م ك كونفتير اختياري + 2 م ك سنيدة + 100 غ زبدة مرخوفة أي نوع + ربع كاس زيت باش يخفف العجين + بيضة كاملة + م ك حليب بودرة او 2 م ك حليب سائل + 2 م ك مايزينا باش ما تحلش لي العجين مللي يطيب
نجمع كولشي بالاصابع حتى تولي كورة ونديرها في ميكة ونخليها في الثلاجة 10 دقايق 
نرش بالدقيق ونطلق العجين او نطلقو ما بين 2 ميكات مرشوشين بالدقيق وندهن اللاطة دائرية او مربعة بالزبدة و الدقيق ونحط فوق منها العجين ونطلع الجوانب بواحد 2 سنتيم ونتقب العجين وندير فوق منها الحشوة
الحشوة : 4 تفاح كبار منقيين و مقطعين صغار + ربع كاس الما ونخليهم يطيبو حتى ينشفو من الما ونمعسهم بالفورشيط
الكريمة : 2 بيضات + 4 م ك سكر كلاصي او 2 ايلا ما بغينهاش حلوة بزاف + ياغورت فرماج بدون سكر او كاس كريم فريش + م ك بودرة اللوز اختياري + م ص مايزينا + م ك كونفتير + خمارة + فاني ونطرب مزيااان ونخلطو مع التفاح ونخلط مزياان ونعمر بيه العجين وندخلو الفران 10 دقايق حتى يشد
نخرجها وندير فوق منها قطع التفاح شرائح رقيقة ونرش م ك سنيدة ونرجعها الفران حتى طيب تقريبا 10 او 15 دقيقة اخرى
مللي تخرج ندهنا بالناباج او الكونفتير مع شوية الما و نغليه
طريقة التحضير =====>http://goo.gl/BHCkwR
طريقة التحضير =====>

http://www.asrartabkh.com/2014/12/Tarte.pome.html