Tarte aux fruits Chada FM

 ·

طورطة بالفواكه – هدى اليداري
لاباط بريزي : رابعة فورص + م ك كونفتير اختياري + 2 م ك سنيدة + 100 غ زبدة مرخوفة أي نوع + ربع كاس زيت باش يخفف العجين + بيضة كاملة + م ك حليب بودرة او 2 م ك حليب سائل + 2 م ك مايزينا باش ما تحلش لي العجين مللي يطيب
نجمع كولشي بالاصابع حتى تولي كورة ونديرها في ميكة ونخليها في الثلاجة 10 دقايق
نرش بالدقيق ونطلق العجين او نطلقو ما بين 2 ميكات مرشوشين بالدقيق وندهن اللاطة دائرية او مربعة بالزبدة و الدقيق ونحط فوق منها العجين ونطلع الجوانب بواحد 2 سنتيم ونتقب العجين ونديرها في الفران يكون شاعل من قبل 2 دقايق
مللي طيب و تخرج ندهنها بابيض البيض مطرب مزيااان حتى يولي خفيف وندهنها من الوسط وفي الجوانب ونرجعها للفران تسخن شوية حتى دير القشرة تكون العافية غير من الفوق ونخردها تبرد ونحضر الكريمة
الكريم باتيسيير : 2 اصفر بيض + 3 م ك سنيدة + 2 م ك مايزينا او دقيق + 1 فاني ونطرب مزيااان
ندير نص ايطرو حليب حتى يغلي ونبدا نضيفو فوق الخليط الاول وانا كنطرب بشوية بشوية ونرجعو للنار ونبقى نحرك حتى يتقال
ممكن اضافة عصير ماندرينا في الاخير + 2 فرماجات في الاول مع اصفر البيض
من بعد نضيف نص م ص زبدة و نخليها تبرد شوية غير تدفى ونخويها وسط العجين
وندير فوق منو الفواكه اللي بغيت وندهنهم بالناباج او ب م ك كونفتير مدوبة فوق النار مخففة مع القليل من الماء او 2 م ك سنيدة مع 2 م ك الما حتى يغلاو و يتقالو غير شوية وندهن بيهم