Brioche sale Chada FM

بريوش مالح بالكفتة و الخضر – هدى اليداري
نص كيلو دقيق + 2 بيضات + م ص زيت عادي + ملح + 2 فرماجات + م ص موطارد + ونسمهم بالثوم غبرة نص م ص اختياري + م ص عصير الحامض + م ص حليب بودرة + م ك خميرة الخبز مدوبة في ما دافي + خمارة + نص م ص سنيدة ونعجنهم بالما بارد من الروبيني
ندلكوه مزيان ونغطيه ونخليه يخمر 30 دقيقة
من بعد نكرصها بالاصابع
150 غ زبدة مرخوفة ونديرها وسط العجين ونجمعو من بعد نخليه يرتاح 5 دقايق
ونعاود ندلكها ونعجنها باش دخل الزبدة نغطيها ونخليها ترتاح 10 دقايق
الحشوة : بصلة مشلظة رقيق ومشحرة في زيت + 1 ثوم ونضيف 2 خيزو محكوك طويل + 1 بورو رقيق + كرعة + فلفلة ونشحر مزياان ونضيف من بعد الملح و الابزار و زعتر و الربيع و المنسمات بحال السيبوليت او الحبق او 2 وراق نعناع او غير الزعتر بوحدو + نص رابعة الكفتة ونخلي الكل يتشحر غير 3 دقايق باش ما تكرمش الكفتة ونحيدها من النار ونضيف شوية الفرماج احمر
ناخد العجين ونقطعو كريصات صغار وسط منهم الحشوة ونجمعهم ونخليهم يخمرو 20 دقيقة وندهنهم ببيضة كاملة فيها السكر و الملح وندخلهم الفران سخون شوية تقريبا 5 دقايق ونخليهم يطيبو على نار مهيلة 30 دقيقة تقريبا