Zaalouk سلطة الزعلوك بارد - الشيف هدى اليداري

2 دنجالات (من الأحسن اختيار الدنجال طويل و قاسح و القشرة ديالو كتلمع) + 2 حبات طماطم قاسحة + 2 فلفلة + 2 فصوص ثومة
نشويو الخضر كاملة و نغطيوها ببلاستيك غذائي باش يسهال تقشيرها
أثناء التقشير ما تغسلوش الخضرة بالماء بل فقط غسلو يديكم مرة مرة باش يبقى فيها مذاق زوين .. و قطعو كلشي على شكل مربعات صغار و الثومة هرسوها بالموس ثم ضيفو م ك عصير الحامض + ربع حامضة مصيرة و مقطعة مربعات رقاق + م ك معدموس + شوية كمون + زيت العود + إبزار + ملحة
نخلطو كلشي و نوضعوه في الثلاجة حتى يبرد و نقدموه
بالصحة و الرا

Mille feuilles moderne ميل فوي رطبة - الشيف هدى اليداري

للجينواز نحتاج 4 بيضات + 3 م ك ماء بارد + 200 غ سنيدة + كيس فاني + م ص مربى المشمش + 2 م ك زيت المائدة + نصف خمارة الحلويات + 2 قطرات الخل + 250 غ دقيق مغربل 2 مرات
نطربو البيض مع السكر ثم نضيف الماء و المربى و الزيت و الخل و الفاني حتى نحصل على كريمة بيضاء ثم نضيف الدقيق تدريجيا و نصف خمارة
نضع ورق الطهي فوق الصينية و ندهنوه بالزيت النباتية و نكبو فيه الخليط و ندخلوه للفرن يكون عاد تشعل 10 دقائق حت يولي اللون ديال الجينواز أصفر ما نخليوهاش حتى تحمار
من بعد نخرجوها و نخليوها تبرد و نقطعوها على 3 طبقات
كريم باتيسيير
نصف لتر حليب + 3 صفار البيض + 2 م ك سنيدة + 2 م ك نشا + كيس فاني
نطرب البيض مع السنيدة و الفاني و في هذه الأثناء نديرو الحليب يسخن حتى الغليان و نكبوه فوق البيض مع التحريك جيداا دون توقف من بعد ما يتخلط مزيان نرجعو الكل للكاسرونة و نديروه فوق العافية مع التطريب حتى يتقال و في الأخير نضيف 2 م ك زبدة + 2 م ك يوغورت الفاني ديال درهم و نخليوها حتى تبرد شوية
نرجعو للجينواز و نوضعو الطبقة 1 في طبق التقديم و نسقيوها بالماء و السكر مغلى من بعد نديرو طبقة من الكريم باتيسري و نديرو الطبقة 2 و نفس الطريقة نسقيوها و نديرو الكريم ثم الطرقة الأخيرة ندهنوها بالقليل من الكريم باتيسري لي شاطت لينا و بالنسبة للكلاصاج كيتباع في محلات الحلويات تذاب و بزين بها الوجه على طريقة الميل فوي
بالصحة و الراحة

Übersetzung anzeigen

زعلوك خيزو( الجزر) : الشف هدى اليادري

كيلو ديال خيزو منقي كنقطعوه قطع كبيرة و كنعملوه يتسلق في كاس كبير من الماء مع شوية الملح ضرس ديال الثومة منين يتسلق كنمعسوه بفورشيت مزيان
كناخدو مقلة كنعملو فيها 2 م ك ربيع مكرد +2 وريقات نعناع مكرد+2 فصوص ثومة + ربع كاس زيت الزيتون كنشحرو هاد الشي مزيان وكنزيدو نص م ص من فلفلة حمرة +نص م ص قزبور يابس مطحون +كامون + عصير حامضة كنشحرو الكل 2 ثواني ثم كنزيدو خيزو اللي معسناه ثم نص حامضة مصيرة كنحيدو ليها الزريعة وكنقطعوها مربعات صغيرة وكنخليو الكل يطيب فوق بوطا مهيلة لمدة ساعة ونص ثم كنعملو الكل بعدما يبرد في علب ونحطوهم في التلاجة حتى لوقت التقديم

 

 

 

حلو ة سميدة : الشف هدى اليادري

200 غرام سميدة رقيقة +50 غرام كوك +2 بيضات +نص كاس سكر سنيدة +50 غرام دقيق فورص + خمارة ونص الحلوة +نص كاس زيت المائدة +قشرة حامض او قشور ليمون مهسلين او فاني
الطريقة
كناخدو قصعة كنعملو فيها السمسدة اللي كنغربلوها ونخلطو معاها كوك واالدقيقكنعملو حفرة الوسط كنعملو فيها البيض سنيدة قشرة الحامض او الليمون معسلسن او الفاني + م ك مربى المشماش او الكليكوز + م ك زبدة الخميرة الحلوة كنجمعو الخليط مزيان كنعملو كويرات صغيرة كنفندوها في السكر كلاصي سبيسيال مخلط مع كيس خمارة الحلوة كنفندو وجهها وكنستفو الحلوة في طاوة عليها ورق الطهي وندخلو الحلوة للفران

PAIN خبيزات سميدة : الشف هدى اليادري

 
نص كيلو سميدة رقيقة +كاس عنبة من الدقيق فورص +خميرة الخبز حبيبات + خميرة الحلو +م ص زبدة +م ك زيت المائدة + نص م ص سنيدة +ملح +م ك حليب بودرة او 4 م ك حليب سائل
في قصعة العجين كنحطو المكونات كلها خميرة الخبز كتخفف في شوية الما وكنصبو بجنب العجين ماشي في الوسط كنجمعو العجين بالماء دافي ونخليو يخمر 20 دقيقة وكنقطعو العجين كويرات وندوزهم في السميدة رقيقة ونحطوهم في كاوة الفران نخليهم يخمرو ثم كنكرصو الكويرات غير شوية بيدينا وكنعملو على كل كورة علامة( +) اللي كنفزكوها بشوية الماء نخليوهم يخمرو شوية كندخلهم للفران اللي كنشعلوه ناقص من الفوق ومتوسط من التحث وكاوة اللي ستفنا فيها الخبيزات كنخطو معاهم زلافة دخل الفران عامرة بالماء باش البخار ديالها يرطب لينا الخبيزات حيت غيتوزع البخار عليهم كاملين . ونخليهم ياخدو طيابهم على خاطرهم .من 12 دقيقة حتى 15 دقيقة

Chada FMغريبة سميدة والكوك : فاطمة قنيطرة

في الخلاط الكهربائي كنعملو 8 بيضات كبار +زلافة سنيدة كنطحنوهم حتى كيبياض عاد كنزيدو شوية بشوية زلافة من الزيت المائدة منين يتطحن كنعملو الخليط في قصرية كنزيدو عليه كمية من قشور الحامض اصفر واخضر + نص كيلو كوك رطب ومزيت كنخلطو ثم كنزيدو عليه نص كيلو سميدة رقيقة اللي كنحيدو منو كاس عنبة نخليوه جانبا +2 خمارات كنخلطو مزيان الي جاتنا عجينة خفيفة كنزيدو الكاس اللي حيدنا كنزيدو زلافة من الزبيب الابيض كنجمعو العجين ونخليوه ربع ساعة يرتاح
كناخدو بانيو كنعملو فيه سكر كلاصي سبسيال وبانيو كنعملو فيه سكر كلاصي مع شوية مايزينا وخمارة الحلوة كنكورو العجين كويرات صغار كندوزو كويرات في البانيو الاول غير من الفوق ثم كنعاودو ندوزوهم في البانيو التاني باش يلصق السكر كلاصي كنستفوهم في طاوة الفران اللي كنفرشو ليها ورق الطبخ ندخلوهم الفران اللي شعلناه من الفوق غير تشقق الحلوة من الفوق كنشعلو الفران من التحث كتاخد طيابها مخصهاش تحمر تبقى بيضة اللون وشادة في راسها ومفكعة من الافضل منين نخرجوها من الفران نخليوها في الطاوة ليلة كاملة حتى الصباح عاد نحيدوها بشوية باش يبقى السكر كلاصي لاصق فيها .وبالصحة والراحة

TAHINA a essayer chadavFM

طرقة تحضير الطحينة - فاطمة من قنيطرة
2 كؤوس زنجلان أبيض نديروه تحت الشمس ييبس شوية
من بعد نديروه في مقلة ثقيلة يتحمر و نزيدو عليه م ك فورص و ربع م ص ملحة
من بعد ما يتحمرو نطحنوهوم في الخلاط مع إضافة كاس و نصف من الزيت الرومية تدريجيا حتى نحصلو على عجين ثقيل .
فاش تبغيو تستعملوها نخلطوها مع الماء بعد ما يغلى
مثلا ربع كاس ماء يغلى يحتاج 2 م ك طحينة
بالصحة و الراحة