كاطو كلاصي – الشيف هدى اليداري gateau glace aux chocolat

*

جينواز : 4 بيضات مفصولين + 120 غ فورص + 120 غ سنيدة + 80 غ شكلاط اسود + 20 غ زبدة + قبصة ملح + نص خمارة مغربلة 
اصفر البيض نضيف عليه سنيدة ونطرب بطراب كهربائي حتى يولي الخليط ابيض + الشكلاط دايب مع الزبدة ونضيف شوية بشوية و انا كنطرب
ابيض البيض نطلعو مع قبصة ملح مثل الثلج ونضيفو على الخليط وانا كنحرك غير بشوية بملعقة خشب منلتحت لفوق و نضيف الدقيق + نص خمارة 
نقسم الخليط النص نديرو في 2 لي مول نفس القياس 24 او 20 وندخلها الفران طيب 8 دقائق او اكثر حتى طيب
لاموس شكلاط : 300 غ شكلاط غني اسود + 40 غ سنيدة + 2 اصفر بيض + 500 غ كريم فريش + 3 م ك ماء
ندير الشكلاط في حمام مريم
نوجد السيرو : سنيدة و الما فو النار حتى يولي سيرو ونحيدو من النار ونضيفو على 2 اصفر بيض
نص كيلو كريم فريش نطربها بطراب كهربائي غير حتى طلع وتنشف شوية ماشي بزااف + خليط اصفر البيض مع التطراب + الشكلاط شوية بشوية وانا كنطرب بسرعة حتى يولي موس ناشف
لاجينواز من بعد ما تبرد ما كنسقيهاش
100 غ براليني + 100 غ فويلتين نخلط حتى تنسجم
ناخد الاطار نحط فيه طبقة من لاجينواز فوق منها خليط البراليني و الفويلتين + الكريمة + طبقة من لاجينواز + الكريمة وندخلها المجمد 3 ساعات و مللي تخرج ندير ليها كلاصاج
100 غ سنيدة + 40 غ الما + 70 غ كريم فريش + 40 غ بودرة الكاكاو
في كاصرول : الما و السنيدة حتى يغلى + الكريمة حتى تغلى مزياان + الكاكاو + 2 جيلاتين او م ص بودرة الجيلاتين مدوبة في 2 م ك الما مغلى
ونخليه يبرد ونخويه فوق من الحلوى وفوق منها الشكلاط دوائر او مثلثات