pate a choux باطاشو – 35 او 36 وحدة - الشيف هدى اليداري

2 كاس عنبة الما من الروبيني في كاصرول + 100 غ زبدة عادية ديال العبار + قبصة ملح ونخليه فوق النار حتى دوب غير تبدا الفقاعات تطلع نطفي البوطة ونحرك بملعقة عود + 140 غ فورص مغربل وانا كنحرك بشوية بشوية حتى يتجمع ويولي كورة وحدة بلا ما يلصق – هده علامة نجاح الباطاشو – 
نضيف على كرة العجين في اناء اخر البيض تقريبا 4 بالطراب اليدوي وحدة بوحدة وانا كنطرب حتى يتجانس كلو 
ندير الخليط في جيب الحلواني ونحط في لاطة فيها ورق الطهي ونحطهم على شكل كويرات
ناخد نص كاس الما نرشو فوق اللاطة كاملة حتى فوق الباطاشو وندخلها الفران سخون مسبقا على 200 ثم نرجعوه على 180 ونخليهم يطيبو غير من لتحت 12 دقيقة حتى يتنفخو مزياان عاد نشعل من الفوق يتحمرو غير شوية ونحيدهم
- 4 او 5 دقايق ونخليهم من بعد يبردو
مللي يبردو نعمرهم بكريم موسلين : كريم باتسري نحضروه ونحيدوه من النار ونخليه يبرد مزياان + فاني + كريم شونتيي محضر بكاس كبير الحليب نضيفو وانا كنطرب
نعمر بجيب الحلواني من لتحت ونززوق الوجه بالكراميل ونقدمهم