خبزة معمرة بالخضرة و الكفتة - أمينة من مراكش
العجينة : 500 غ دقيق + خمارة + خميرة الخبز + م ك سنيدة + ربع كاس زيت + ياغورت مسوس + ما دافي للعجين + ملح - العجين كيطلع لين ما رطب بزااف ما قاسح
الدقيق مع جميع المكونات ونعجنها بلا دليك وندهنها بالزيت ونغطيها ببلاستيك وندير عليها منديل ونخليها تخمر
الحشوة : 5 بصلات خضارية او بصلة كبيرة مشلظة في مقلة مع الزيت ونخليها تحمر مزياان على نار مهيلة + فلفلة كبيرة خضرا + نص فلفلة حارة + كرعة مربعات صغيرة + كبدة مربعات او كفتة رابعة + ملح و ابزار و كامون و زعتر
نحيدها من النار ونضيف زلافة صغيرة الربيع مخلط + فرماج أي نوع اختياري
العجين نفرقو على 2 وناخد لاطة البصطيلة الكبيرة ندهنوه بالزبدة كوش مزياانة ونبسط العجين بالزيت ونديرها وسط اللاطة + 4 فرماجات دايبين مع ربع كاس حليب سخون وندهنو بيه الوجه + الحشوة + العجين الثاني وندخلها الفران بارد + م ك زبدة قطع ونخليها حتى تحمر من لتحت مزيااان ونعاود ندهنو عاود بالزبدة مللي نبغيو نطيبو الوجه ديالو
Aucun commentaire:
Enregistrer un commentaire