Gateau sans cuisson

حلاوي بلا طياب – فاطمة من القنيطرة
225 غ قشدة طرية + 525 غ شكلاط اسود ونخلط فوق النار مزيااان
القشدة فوق النار مع نصف كمية الشكلاط تى يدوب في حمام مريم ونحيدو من النار ونضيف باقي الكمية ونحرك مزياان حتى يدوب ويولي كيلمع
ناخد لي مول السليكون صغار مثلا على شكل دوائر ونعمرهم النص او اكثر بقليل ونديرهم في المجمد ولكن نخلي شوية من الخليط جانبا .
الطبقة الثانية : 100 غ البراليني + 60 غ شكلاط ديال الحليب دايب + 100 غ الفيتين ندوب الشكلاط في حمام مريم ونحيدو من النار ونضيف عليه باقي المكونات ونخلط ونضيفو على السليكون وندخلو المجمد
مللي يخرج نقلب الحلوى
ناخد شوية من الخليط الاول ونديرو في البوق ونزوق بيه الحلوى على شكل وريدات

J’aime   Commenter   Partage

Tarte aux orange et blanc neige chada FM

طارط بالبرتقال بدقيق مزية - خديجة من كازا - وصفات السعادة مزية
8 م ك دقيق مزية + 3 م ك سنيدة + 3 م ك زيت + بيضة + خمارة + 70 غ زبدة مرخوفة ... نخلط ونديرها في مول طيب
الكريمة : 2 اصفر البيض + كاس كبير عصير برتقال + 2 م ك مايزينا + فاني + 3 م ك سنيدة ونخلط ونديرو فوق النار حتى يعقد
مللي طيب لاطارط نخوي عليها الخليط
2 ابيض البيض يطرب مع الملح حتى يولي بحال الثلج ونخويه على الخليط ديال البرتقال وندخلها دهب شوية في الفران .

J’aime   Commenter   Partager

CAKE au semoule et cacao

كيكة بالسميد و الكاوكاو - امينة من مراكش
250 غ سميد رقيق + كاس سنيدة + كاس زيت +كاس حليب + كاس بودرة كاوكاو بالقشرة ديالو مسحوق مزياان + 3 بيضات + 2 م ك النشا + م ك كونفتير + م ص الخل + ربع كاس الما + 3 خمارة + فاني
نخدم البيض مع سنيدة و الخل حتى يتضاعف الحجم + زيت + النشا و باقي المكونات الا الكاوكاو و السميد في طراب كهربائي ونضيف من بعد السميد و الكاوكاو بطراب يدوي كيكون الخليط خفيف - ونديرو في مول وندخلو الفران
مللي يطيب ندهن الوجه بالكونفتير ونزوق باش ما بغيتي

GLACE FACILE Chada FM

كلاص ساهل - الهام من كازا
علبة ديال لاكريم كلاص + نص ايطرو حليب بااارد مزيااان ونطربهم
فلون ديال 4 دراهم أي نكهة ونطرب مزيااان + ياغورت فاني ونطرب 10 دقيقة ونديرو في المجمد

PIZZA Chada Fm

عبد الكريم من الجديدة - بيتزا ديال المحلات - وصفات السعادة مزية
نص كيلو دقيق مزية + بيضة + م ص خميرة الخبز + خمارة + ياغورت طبيعي بلا سكر + ملح + كاس ما عامرش من حليب دافي + م ك زبدة مرخوفة في الاخير +
الطريقة : نخلط الكل الا الزبدة ونخليها ترتاح 10 دقايق ونضيف الزبدة ونعاود ندلكها ونديروها كريصات ونسرحها بالدلاك ونقطعها بالاطار ونتقبها بالفورشيط وندخلها طيب في فران سخون نص طيبة
موتزريلا محكوكة نديروها فوق العجين وكدوب عليها

POULET au JOGHOURT Chada FM

دجاج بالياغورت - نوال من مراكش
دجاجة مغسولة ومرقدة بالجلدة ديالها في السكينجبير و الحامض و الملح ونغسلها مرة اخرى ونخليها تنشف
في زلافة : 2 ياغورت طبيعي مسوس + سكينجبير + نص لبابة مصير + خرقوم + الربيع + السمن شوية + زيت العود نص كاس تقريبا ونص كاس عادي او نوع واحد ونرقدها مزياان
نصلق بطاطا نص صلقة ونفرشها وندير فوق منها الدجاجة وندخلها الفران

PIZZA reussi

بيتزا ملفوفة - فاطمة فتحي من الجديدة - وصفات السعادة مزية
العجين المورق : زلافة كبيرة دقيق مزية + ملح + ونعجنو بالما بارد ونورق ب 250 غ زبدة ونقسمها على 2 ونخليها ترتاح في الثلاجة 30 دقيقة
كاس من صلصلة البيتزا + ربع كاس زيتون اسود شرائح + مورتديلا + موتزريلا محكوك + م ص زعتر + شوية الفلفلة مقطعة رقيق
الطريقة نسخن الفران ونطلق العجين وفوق منها الصلصة فوق منها المورتديلا مربعات + الزيتون + الفرماج + الزعتر و الفلفلة ونلوي العجين ونقطعها 12 قطع بالخيط غليظ على شكل شنيك ... ونديرها في لاطة بعيدة على بعضها 15 دقيقة حتى طيب و تولي دهبية

J’aime   Commenter   Partager