رغايف معمرين حلوين لصباح العيد – هدى اليداري

العجينة : 2 زلايف فورص + م ص مايزينا اختيارية + ساشي فلون اختياري + 2 حبات مسكة حرة مدقوقة مع شوية السنيدة + راس م ص قرفة + نص م ص نافع بلدي مطحون او فاني + 2 م ك زبدة + م ك زيت + قبصة ملح + م ك سنيدة ونعجن بالما بارد ونعجنهم مزيااااان ونغطي العجين ونخليه يرتاح ساعتين وهو مغطي ببلاستيك
نقطعها كريصات ونورق بالزيت فقط
عقدة اللوز : رابعة اللوز مصلوق ومنقي وناشف مزياان + نص رابعة سنيدة ونطحن + مسكة حرة + راس م ص نافع ايلا درتو في العجين او الفاني على حسب اشنو درت في العجين + ونعجنها اما بالما عادي + م ص ما زهر او بالما زهر بوحدو
نسرح العجين ونديرو على قد وسط المسمنة ونطوي المسمنة بلا ما نكرص و حتى نكمل الكل ونقليهم او نرشهم بالزيت وندخلهم الفران في الاخسر نغطسهم وهما سخان في العسل نسخنوه شوية باش يولي جاري ونخليه يبرد عاد نستعملو