Basboussa Chada FM

بسبوسة - مليكة
في خلاط : 3 بيضات + فاني + كاس زيت + كاس سنيدة + ياغورت فاني ديال القرعة + قبصة ملح ونطرب مزيااان
نحيدو ونضيف عليه كاس دقيق + كاس سميد رقيق + كاس الكوك + 2 خمارات ونخلط باليد وندهن المول بالزيت والدقيق وندخلها الفران
مللي تخرج نسقيها ايلا بغيت

Gateau Facil Chada FM

حليوة بسيطة - نجاة من الجديدة
بيضة نتقبها من الفوق ونخويها في بانيو ونعبر الحليب + زيت + سنيدة + خمارة
+الطحين ونعجنها تكون خفيفة و قابلة للتحربيل بحال السيكار
ندير زيت سخون ونقليهم ونقلبهم بسرعة لانها كتحمر بسرعة
ونصفيها ونقدمها مع السكر كلاصي

J’aime   Commenter   Partager

Pain aux Fromage et les herbes

خبز بالجبن و الزعتر – مريم طالب من كازا - وصفات السعادة مزية
كيلو دقيق مزية + جبانية الجبن مسوس + نص م ص ملح + م ك ونص سنيدة + نص كاس زيت العود + م ك الخميرة الفورية + كاس زعتر مغسول وناشف
نخلط الكل ونجمعها بالما دافي ونخليها شوية تخمر ساعة ونقطعها كويرات صغار ونكرصهم وندير الجبن وسط العجينة ونجمعها ونكرصها شوية وندهنهم بزيت العود او بيضة نديرهم يطيبو في الفران 25 دقيقة في لاطة مرشوشة بالدقيق

GHRIba cacao et sucre glace Chada FM

غريبة الكاوكاو بالسكر كلاصي – هدى اليداري - 58 الى 60 حبة
كيلو كاوكاو يكون كبير و منقي نديرو في الما مغلى غير تطلع فيه الغلية و نطفي البوطة ونخليه 5 دقايق ونصفيه ونسرحو فوق زيف حتى ينشف + نص كيلو سنيدة ونطحنو + 2 م ك ما زهر حتى يولي عقدة + 3 قطرات روح اللوز البني + 2 م ك حليب بودرة اختياري + 2 م ك فورص + 2 خمارة + 2 بيضات و اصفر بيضة + م ك زبدة مرخوفة + قشرة حامضة محكوكة رقيق ونجمع حتى يولي متماسك ونصاوب كويرات صغار وندوزهم في سكر كلاصي سبيسيال نفندها كلها ونبسطها غير شوية وندخلها الفران فوق لاطة فيها دقيق و الفران يكون سخون مسبقا من الفوق و لتحت ونشعل غير لتحت من بعد وهو منقوص

Poisson repas leger Chada FM

حوت – وجبة خفيفة - هدى اليداري
كيلو الحوت أي نوع
الصلصة : الربيع تقريبا م ك عامرة + وريقات الحبق او 2 وراق لاعبدي + 5 م ك زيت العود + م ك عصير الحامض + نص م ص موطارد + قزبر يابس نص م ص + كامون ربع م ص او حبيبات من كامون حبوب + ابزار + شوية الملح + ازير راس م ص فقط غير قبصة و الزعتر ونخلط مزيان ونرقد فيها الحوت من نص ساعة الى ساعة ويكون مغطي في الثلاجة
نستفو في لاطة فوق ورق الطهي او في مول الزجاج ويدخل الفران
نفس الشرمولة بدون ازير و الموطارد نخلطهم مع الخضر مبخرة او مصلوقة في ما قليل
وندخلها الفران مع الحوت 10 دقايق

J’aime   Commenter   Partager

Cake aux fruit secs chada FM

كيك بالخضر و الفواكه العادية و الفواكه الجافة - أمينة من مراكش
4 بيضات + كاس سنيدة + كاس مخلط بين الزبدة و الزيت + كاس ليمون + كاس خيزو محكوك + 3 خمارات + نص كاس الزبيب مجمد و مطحون + نص كاس لوز مطحون بالقشرة + م ك كونفتير مشماش + دقيق حسب الخليط
البيض نخدمو مع سنيدة و م ك الما و نقطة الخل ونخدمهم ونضيف الليمون و الزبدة و الزيت + 3 خمارات + خيزو + اللوز و الزبيب + الكونفتير ونخلط و نضيف الدقيق تقريبا رابعة او 300 غ الدقيق المهم خصو يكون ثقيل ونديرو في مول مدهون وندخلو الفران 40 او 45 دقيقة

Batbout speciale ail chada FM

بطبوط بالمساخن ديال البرد – زينب من كازا – وصفات السعادة مزية
نص كيلو دقيق مزية + رابعة الفينو او القمح بالنخالة ديالو + ملح + م ك خميرة + نص كاس زيت عود مخلطة معاه م ص مساخن + ثومة صغيرة ونعجن بالما دافي ونخليه يخمر نص ساعة وعاد نكرصو ونخليه يخمر 10 دقايق ونطيبوه

J’aime   Commenter   Partager