Paella moderne chada FM

شبه بايلا في الطاجين بالكفتة او الدجاج - أمينة من مراكش – 5 اشخاص
ناخد 100 غ الكفتة + 3 فلفلة ملونة + بصلة خضارية + حبة بورو + شوية جلبانة + شوية لوبيا + خيزوة + حبة كرعة + مطيشة سوريز حمرا و صفرا او غير وحدة تقريبا زلافة + الربيع + زلافة صغيرة الروز اصفر + كاص صغير زيت العود + الملح + ابزار + ورقة سيدنا موسى + بسيبيسة و قعقلة
ناخد البوارو و البصلة مع ربع كمية زيت ونخليه تقلى + جميع الخضر مقطعة رقيق ونخليها تقلى مزياان + زلافة الروز محمرمسبقا في شوية الزيت في مقلة تقريبا 2 دقايق + الملح + الابزار + زرقة سيدنا موسى + بسيبيسة و قعقلة ونخلط + الكفتة محضرة مسبقا – الكفتة + الملح و الابزار و بسيبيسة و قعقلة ونديرها كويرات وندوزها في الزيت غير شوية - + مطيشة صغيرة ونمرق بالما

مللي يطيب و تبقى 5 دقايق نضيف الربيع و ما تبقى من زيت العود