بصطيلة الحوت ساهلة - فاطنة الزهراء من اكادير
كيلو حوت هبرة + كيلو كروفيط + كيلو كلامار
نصلق الهبرة بوحدها مع الما و الثوم والزعتر ونقطعها من بعد طريقات
الكروفيط يتصلق في الما و الثوم والزعتر
الكلمار يتصلق في الما و الثوم والزعتر ونقطعو من بعد طريقات
لاصوص : في خلاط كهربائي 3 ثوم + الربيع مقطع + قشرة مصير كبيرة + كاس زيت ونطحن
ونديرهم في كاصرول فوق النار + م ك زبدة + ابزار + كامون + سكينجبير + ضامة البنة الحوت + م ك مطيشة الحك + الهريسة حتى يتشحر مزيااان حتى تبقى غير الزيت
نخليه يبرد
الفرميسال نصاوبها ونقطعها
و الحوت نقسمو كل واحد بوحدو ونضيف ليه الشعرية الصينية مقسومة على 3 و لاصوص مقسوم على 3
الورقة نعمرها ونديرها طيب ونحك الفرماج احمر من الفوق
Aucun commentaire:
Enregistrer un commentaire