croissant economique

كرواصة اقتصادية - مليكة من الدار البيضاء
5 م ك زيت المائدة + 5 م ك سنيدة + بيضة + 2 كيسان ماء دافي + خمارة الحلوى + شوية خميرة الدار و الدقيق حسب الخليط. العجين خاسو يكون خفيف
نعجنو المقادير بالماء و نضيفو الدقيق تدريجيا .و نخليو العجين يرتاح
ثم نقسموه كويرات على شكل دائري و نطلقو الكويرات بالزبدة و نرشو النشا و نحطو كورة فوق كورة حتا نكملو 3 و و نقطعو على شكل مثلث ثم نلويو الكرواصة . و نخليوها تخمر ثم ندهنوها بالبيض و ندخلوها للفران .

بالصحة و الراحة

بالصحة و الراحة

boules de chocolat de soiree Fm

حلوى الكويغطات باردة
200 غرام بودرة اللوز محمر و مطحون بالقشرة + 80 غرام كركاع مقطع مهروش + فواكه مجففة مقطعة صغيرة + قشور ليمونة محكوكة نخلطو كلشي مع الحليب المركز المحلى و نشكل كويرات و نغطسوهوم في الشوكولا الأسود مذاب في حمام مريم و ندخلوها للثلاجة .
بالصحة و الراحة

Gefällt mi

Mssemen aux pommes sucres FM

مسمن معمر بالتفاح - الشيف هدى اليداري
نص كيلو فورص + نص رابعة الفينو نديرو حفرة فيها ملح +2 م ك سنيدة + م ك حليب بودرة + م ك زبدة + قطرة الخل + 2 خمارات و تعجن بماء بارد + روح النوكا ايلا كاينة ونعجنها ونخليها ترتاح ندهنها بالزيت ونغطيوها
ناخد التفاح نقطعو 3 او 4 مربعات صغار في مقلة + نص م ص عصير الحامض + م ك الزبدة ونشحر مزيآن حتى يدبل + 2 م ك بودرة اللوز + 2 م ك سكر او م ص عسل ونخلي السكر يدوب شوية ونخليه يبرد
ناخد المسمن يتقطع دوائر صغار و نغطيها بالميكة دائما
ناخد خبيزة و نورق وما نورقش بزاف وناخد م ك من الحشوة ديال التفاح نديرها الوسط ونطوي المرة الاولى وندير م ك اخرى و نطوي المرة الثانية وندهن في الاخير المسمنة ببيضة مطربة مع شوية سنيدة و قطرة خل
ناخد تفاحة نقيها نحكها في حكاكة غليظة + سنيدة م ص ونص م ص عصير الحامض ونرشها على المسمن من الفوق
وتدخل الفران

Gefällt m

COquelet au four e essayer

كوكلي بالارز : امينة مراكش
2 كوكلي مقسمومين على 2 او دجاجة مقسومة على 4
شرمولة الدجاج : عصير 2 حامضات و2 ضروس ثومة و2 م ك قزبور ومعدنوس وم ك موطاغد وشوية ملح وابزار و شوية سكنجبير و م ص من كامون و خرقوم وسودانية وفلفة حمرة ونص كاس صغير من زيت العود وكنخلطو الكل وكنرقدو فيه الكوكلي تقريبا نص ساعة
كناخدو مول الكرتان كنستفو فيه قطع الكوكلي وكنغطيهم بورق الطبخ ثم ورقة الالمنيوم ونخليهم يطيبو على مهلهم في هد الوقت نوجدو الارز
كناخدو 250 غرام من البصلة كنشلضوها رقيق كنحطوها تشحر وتدبال في كوكوط مع 2 م ك زبدة +نص كاس صغير زيت عادية منين تدبال البصلة كنزيدو عليها 500 غرام من الارز ابيض اللي حبتو طويلة اللي كنكنو غسلناه ونشفناه كنخليوه يتقلي 4 الدقائق مع البصلة والملح الابزار ورقة موسى ثم كنزويو بلتر حتى لتر ونص من الماء كيغلى الارز والبصلة وحنا ماسدينش الكوكوط تبقى 5 الدقايق على طياب الارز كنسدو الكوكوط باش تنشف الارز
التقديم : كناخدو طبق التقديم كنزلو الارز ثم الكوكلى اللي طابو في الفران وبالصحة والراحة

Gefällt mir

Tartellettes sale FM

15. Februar um 13:31 ·

طاغتوليت مالحين : فاطمة قنطرة
رابعة طحين كنبسبسوه بنص رابعة زبدة ثم كنزيدو عليهم بيضة ومعلقة صغيرة صوجا وشوية ملح وكنجمعو العجين بحيت كنعملو صبعانا في الماء وكنجمعو بها العجين غير كنرشو بالماء كنخليو العجين تخمر ثم كنطلقوها بالمدلك وكنقطعوها دوائر ونعملوهم في مول الغريبة في الحفرة ثم كنعمروهم بالحشوة
في مقلة كنعملو نص رابعة من الكفتة او الدجاج كل واحد يبطيب بوحدو بنفس الطريقة مع شوية ملح صلصة الصوجا ابزار وزيت عادية يتشحرو ونخليوهم جانبا
كناخدو كمية من اللوز يتسلق وكنقشروه ونقطعوه على اربعة بالطول كناخدو كدلك كمية من الكاوكاو والصنوبر حتى هو كنقطعوه على اربعة بالطول وكندهنوهم بالملح و شوية الزيت وندخلهم للفران يطيبو نص طيبة
كناخدو العجين ديالنا اللي عملناهم في مول الغريبة كندهنوهم بشوية الكاتشوب وكنرشو شوية الفرماج ثم كنحطو شوية الدجاج او الكفتة تم نرشو شوية الفرماج ثم الك كنعاودو نعملو الدجاج او الكفتة والفرماج محكوك ونزيدو اللوز والكاوكاو والصنوبر اللي صهدنا في الفران وندخلوهم للفران منين يخرجو كنعاودو نرشو بالفرماج وندخلهم عاود للفران يتحمر الفرماج. ونقدموهم بالصحة والراحة

Gateau aux Amandes

حلوة التمر: الشيف هد ى اليادري
عجين : كاس ماء الزهرة و150 غرام زبدة مرخوفة ونص كاس زيت مائدة وقبصة ملح وكاس سكر كلاصي سبيسيال وصفر بيضة والدقيق حسب الخليط وكنجمعو العجين وكنخليو ترتاح لمدة 10 الدقائق وكنصيبو منو كويرات صغيرة
عقدة التمر :
كناخدو كيلو من عقدة التمر 2 قطرات روح الزهر او 2 م ك ماء الزهر و م ك زبدة مرخوفة شوية لوز مهروش رقيق و قشرة ليمون وكنجمعو العقدة مرخوفة شوية وكنعملو منو كويرات عادية كنعمرو الكويرات العجين ونستفو في طاوة الفران الطياب تياخد 20 حتى 22 ديقية ثم كنفدو في السكر كلاصى وبالصحة والراحة

Chocolat a tartiner

شوكولا للدهن - رشيدة من العيون
كاس ماء + كاس سنيدة + كاس نشا + 2 م ك زبدة ديال الأكل + 3 م شكلاط غبرة مر + نخلطو كلشي في خلاط كهربائي و نديروها فوق النار ثم في الأخير نضيف 14 حبة شوكولا من نوعية جيدة
و نحتفظ به في الثلاجة
بالصحة و الراحة

Fromage de Pizza

فرماج البيتزا - رشيدة العيون
كاس ماء + كاس زيت + ملحة + 2 كيسان حليب + 3 قطع فرماج مربع + 3 أصفر بيض + 4 م نشا + 2 م عصير الحامض
نخلطو كلشي في الخلاط الكهربائي و نوضعوهوم في كؤوس اللي كيتحملو الحرارة
نأخد طنجرة كبيرة أو كوكوط نعمروها بماء ساخن و نوضعو وسط منها فوطة و نوضعو الكؤوس ديال الفرماج من الفوق ثم نغطيو الطنجة من الفوق بلا ما نزيروها و نخليوه يطيب على نار مهيلة
للتأكد من الفرماج واش طاب أو مازال نخشيو فيه عود ديال الأسنان إلى طلع ناشف نزولوهوم فوق النار
بالصحة و الراحة

Gefällt mir

Fekkas

فقاص بالحمرة : مليكة الدار البيضاء
2 بيضات وكاس زيت و كاس سنيدة و كاس حليب كنضربو الكل في خلاط كهربائي ثم كنصبوه في صلادي كنزيدو عليه الدقيق فينو ممتار حسب الخليط أو اللي يجمع لينا العجين وحدة من والخميرة الحلوة وكمية من الحمرة كنجمعو عجينة الفقاص وكنصيبو من العجين بودنات وكندوزوهم في الحمرة رقيقة وكناخدو ماء وقهوة سريعة الدوبان وكندهنو بيهم البودنات وكنتكوهم بالعود الأسنان وكنعملوهم في بلاستيك غدائي ونخليهم يقبطو تم كندخلهم للفران من بعد كنقطعو الفقاص ونستفوه في طاوة الفران وندخلو الفقاص يتحمر ونقدموه بالصحة والراحة

Gefällt mi

Secret de Mille feuille

سر الميل فوي - الشيف هدى اليداري
نأخد كيلو من العجين المورق (يباع في المحلات و المخبزات) و نقسموه على 3 و نورقوه رقيق و من بعد نوضعوه في صينية فيها ورق المطبخ نوضعو فوق منو قطعة أخرى من ورق الطبخ و لاطة تقيلة باش ما يتنفخش و ندخلوه للفرن
من بعد 12 دقيقة نحيدو اللاطة و نخليو العجين يتحمر شوية منيعد نحيدوه و نخليوه يبرد و نقطعوه مستطيلات متساوية حسب شكل ميلفوي
الكريمة
3 صفار بيض + كيس فاني أو نصف م ص فاني ديال العبار أو م ص فاني سائل + 2 م ك نشا + 2 قطع فرماج مثلث أو مربع + ملح + نصف كاس قشدة طرية ثقيلة أو ممكن تعويضها بياغورت كريمي + 6 م ك سكر سنيدة نطرب هادشي جيدا
ثم نسخن لتر حليب حتى يغلى و نضيفوه تدريجيا للمكونات الأخرى مع التطريب جيدا
ثم نصفي الخليط و نوضعوه فوق نار مهيلة حتى يعقاد و في الأخير نضيف م ص زبدة
في إناء أخر نطرب 250 غرام قشدة طرية جيدا و نضيفوها على الكريمة السابقة
إذا بغينا ميلفوي بنكهات مختلفة نقسم الكريمة على 2 أو 3 أجزاء
الجزء الأول نخلطو معاه روح القهوة الممتازة
الجزء الثاني م ك براليني
و الجزء الثاث نخلط معاه روح الكراميل بوماد
التزيين
نوضعو الكريمة في جيب حلواني و نوضعو كمية منو فوق الطبقة الأولى من العجين و نغطيو بطبقة أخرى ثم الكريمة و طبقة 3 من العجين
لتزيين وجه الميل فوي : 250 غرام سكر سبيسيال + م ك عصير الحامض و نطرب جيدا ثم ندهن به وجه الميلفوي ثم نزين بخطوط الشوكولا و نجرو بعود أو سكين الخطوط على طريقة الميل فوي
بالصحة و الراحة

Gefällt mir

Gateau de paquet chada FM

حلوى الكويغطات القديمة - أمينة من سلا
500 غرام طحين + نصف م ص سمن + م ك ماء الزهر + 250 غرام كاوكاو بيض مقلي و محمر و مهرمش + م ص قرفة + 2 م ك زبدة مرخوفة + نصف كاس سنيدة + خمارة
نخلطو كلشي بالزيت تقريبا كاس و نصف ديال العنبة و إلا بقا العجين قاسح ممكن نضيفو الزيت و ندلكو العجين جيدا ثم نأخد لاطة مرشوشة بالدقيق و نديرو الحلوة على شكل صبيعات عراض شوية و نبسطوهوم بيدينا و نستفوهوم في اللاطة و ندخلوها في التحت ديال الفرن اللي مسخن من قبل منين تشقق نطلعوها للفوق شوية تكمل الطياب
منين نخرجوها من الفرن نخليوها تبرد و نفندوها في السكر كلاصي ثم نوضعوها في كويغطات الشكل ديالهم مستطيل و نلويو من الجناب .

بالصحة والراحة

Pain Garni Chada FM

خبز معمر : امينة مراكش
العجين : 500 غرام دقيق فورص و 250 غرام فينو ونص كاس نشا و ملح +م ص خل م ك سكر 2 م ك زيت و م ك خميرة معجونة او خميرة حبيبات فورية +خمارة الحلوة +م ك جليب بودرة +كاس لبن دافي كنجمعو العجين ديالنا باللبن والى ماتجمعاتش كنكملو بالماء الدافي وكنخليو العجينة ترتاح 30 دقيقة تم كنقسموها على 6 الكورات
الحشوة :
في مقلة كنعملو 3 بصلات خضاريات مقطعين مربعات مع زيت الزيتون يتقلاو شوية +صدر دجاج مقطع مربعات و500 غرام كرعة حمرة منقية و مقطعة مربعات صغيرة يتشحر الكل مع شوية الملح ومينين كتدبل الكرعة كنزيدو الابزار شوية الحار زعتر وقوام المروزية نص م ص منو وعلبة من الشمبينو وزيتون اخضر مقطع +فرماج احمر محكوك
كل كورة من العجين كنبسطوها شوية كنحطو فيها شوية الحشوة وكنسدو ثم كنكورها وكنبقاو بهد الطريقة حتى كنكملو كنبسطوهم شوية وكنستفوهم في طاوة اللي كنفرشو ليها ورق الطهي ويرتاحو 30 دقيقة تم كندهنوهم بالبيض مضرب مع شوية الخل وكنزشوهم بشوية الزنجلان او السانوج وندخلوهم للفران ياخدو الطياب ديالهم ...وبالصحة والراحة

Gefällt mir

Calamar mramar houda yadari

حشوة الكلمار بشكل جديد - الشيف هدى اليداري
نأخد أرجل الكلمار من بعد ما تغسل مزيان و تقطر نقطعوها مربعات صغيرة و نوضعوها في مقلة مع 2 بصلات مشلظة رقيقة + 2 فصوص ثوم + ورقة سيدنا موسى + ربع كاس زيت و نشحرو مزيان هادشي حتى تذبل البصلة ثم نضيفو 2 حبات خيزو محكوكين رقاق + ربع م ص اسكنجبير + نصف م ص تحميرة + ربع م ص قزبر يابس + ملح+ م ك عصير الحامض + شوية هريسة و ربيع مقطع
منين كيتشحر هادشي مزيان نضيفو الكروفيت + م ك صلصة الطماطم اللي كنذوبوها في م ك ماء نحرك جيدا و منين تبرد الحشوة نعمرو بيها الكلمار

بالصحة و الراحة

Gefällt mir

Secret de viande machoui chada FM

سر بنة نصف خروف مشوي - الشيف هدى اليداري
أول شيء ندهنو الخروف بالزبدة ديال العبار قبل ما يدخل للفرن منين يطيب تقريبا و يبقى ليه غير شوية كنخرجوه من الفرن و كندهنوه بهاد الخليط
150 غرام زبدة العبار مذوبة + م ص قزبر يابس + نصف م ثومة غبرة + ضوية ضامة زعفران حر محكوكة + م ص كمون + الملح
نخلطو كلشي و ندهنو بيه الحولي جيدا من الجوانب كاملين عاد نعاودو ندخلوه للفرن

طريقة التقديم
نفرشو الخس اللي الأوراق ديالو كبيرة و نوضعو اللحم في الوسط ثم نزين الجوانب ببريوات الفرماج أو أي نوع من البريوات المالحين
نأخد دوائر الأناناس كنشحروهوم في الزبدة و الإبزار و ضامة الزعفران و عود قرفة
المشماش نعملو ليه نفس الطريقة بعد ما نسلقوه شوية في الماء
نزين اللحم من الفوق
بالصحة و الراحة

Ge

Bricolage cuisine

الحداكة و التاويل - هدى
تنظيف و تلميع ريوس البوطة
لتنظيف ريوس البوطة من الأوساخ و الدهون المتراكمة بأسهل طريقة بدون مجهود كبير
و إعادة تلميعها من جديد

في طنجرة قديمة نضع ماء ساخن + بيكرابونات الصوديوم أو الخميرة ديال الحلويات + الخل أو الحامض
نضع الريوس داخل هاد الخليط و نتركه يغلى فوق النار ربع حتال نصف ساعة حسب شدة اتساخ العيون
ثم نزيلهم فوق النار و نضعهم في إناء أخر فيه الماء الساخن و سائل التنظيف و الملح
حتى يبرد الماء عليهم و نأخد شيتة أو ليفة الي ما حرشاش بزاف و نفرك بها الريوس ديال البوطة بلا ما نحتاجو نوركو بزاف
غادي تلاحظو الأوساخ كتزول بكل سهولة بدون مجهود كبير
السيدات اللي عندهم عيون البوطة نظاف لكن ما بقاوش كيلمعو كيف الأول
يمكن ليهم يمسحوهوم بالقليل من الكاتشب خاصة إذا كانو ديال النحاس ف الكاتشب فعال جدا في تلميع المعادن لأنه يحتوي على كمية كبيرة من الأحماض

Ge

Bricolage Jardin

الحداكة و التاويل - هدى
تسريع نمو النباتات
طريقة تسريع نمو النباتات المنزلية و طرد الحشرات منها

الخميرة :
نرش كمية من الخميرة بعد ما نفرتوها حبيبات صغيرة باليدين ديالنا
أو
نخلط كمية من خميرة الخبز مع الماء الكافي لسقي النبات و نخليو هاد الما مدة ساعة على الأكثر
ثم نسقي بيه النبات
أو قشور البيض
نحتفظ بقشور البيض بعد الإستعمال و نطحنها على شكل بودرة
و نرشها على النباتات

Gef

Brioucht sale houda

بريوش مالحين - أمينة مراكش
نأخد كوكوط و نوضعو فيها نصف لتر حليب و نخليوه يدفى فوق النار . من بعد نطفيو العافية و نضيفو نصف كاس زيت + م ك سكر + م ك خميرة فورية + خمارة وحدة + الملح + الدقيق تدريجيا حتى يتجمع الخليط مزيان و نخليوه يخمر 15 دقيقة
2 بصلات كبار نشحروهوم في الزبدة و الملح ثم نضيفو 2 علب طون ديال الطماطم + زيتون أخضر مقطع + 5 حبات فروماج مثلث أو مربع + 100 كرام فرماج أحمر مقطع مربعات صغيرة
منين يخمر العجين نقسموه كويرات و نبسطو الكويرو باليد شوية و نديرو وسط منها ملعقة من الحشوة و نعاودو نسدوا العجين و نكرصو شوية بيدينا و نحطوهوم في اللاطة ندهنو بالبيض مطرب مع الخل و نرشو عليهم السانوج أو الزنجلان و نخليوهوم يخمرو مرة أخرة 20 دقيقة و ندخلوهوم للفرن يطيبو

بالصحة و الراحة

Wow

JUD ZARZAR

طريقة تحضير عصير زعزع - الشيف هدى اليداري
لتحضير 6 كؤوس
لتر حليب بارد + 2 حبات أفوكا طايبة + 2 حبات بنان + 3 م ك بودرة اللوز مطحون بالقشرة ديالو + السكر حسب الذوق + عصير الحامض للحفاظ على لون العصير
نخلطو كلشي حتى نحصل على عصير متجانس
في إناء نحضر الفلون بالطريقة العادية ( الفلون العادي ديال درهم) و فاش يغلى نخويوه في مول ديال الكيك و نخليوه يبرد
في كؤوس التقديم نديرو كمية من الكراميل اللي كيتباع في المحلات في جناب الكاس ثم نوضعو قطعة من الفلون من بعد قطع فواكه مقطعة من الأحسن الفواكه الرطبة مثلا الفريز و الكيوي ثم نكبو كمية من العصير و كمية من الفواكه الجافة و الكريم شانتي و نزين بقطهع الشوكولا .

بالصحة و الراحة

Gefällt mir

raif mramren

فطائر محشوة : نادية فاس
العجين 300 غرام دقيق فورص م ك ونص زبدة مدوبة م ص خل ومص سنيدة وم ص خميرة الحلوة وم ص خميرة الخبز الي بغينا الحشوة تكون حلو كنزيدو في العجين 3 م ك سنيدة الى مالحين م ص ملح وكنجمعو العجين ديالنا بالماء دافي ونصيبو منها 14 كورة نخليوها ترتاح
الحشوة المالحة في زلافة كنعملو كمية من كاشير محكوك كمية من فرماج محكوك طون بلا زيت كنخلطو كلشي
كناخدو الكورات ديالنا كنعملو كورة على كورة وندلكو كنمشو هكا حتى كيوليو عندنا 7 الكورات مدلكين كناخدو كل وحدة كنعملو فيها كيمة متلا من الحشوة الحلوة اللي فيها حفنة من اللور مقلي مهرمش زبيب مرقد ومقطع وتمر معسل مقطع وكنسدوها بحال جوا وكنزينوها بلوزة في الوسط وندهنوها بالبيض وندخلوها للفران منين تطيب كندهنوها بالمربى المشماش دايب ونرشوها باللوز ايفلي
اما الي غنعملو حشوة مالحة نفس الشيء كنعمرو ونسدها بحال الجو ا ونسدوها في الوسط بزيتونة وندخلوها طيب في الفران منين نخرجوها نرشوها بالفرماج ونعاودو ندخلوها للفران يدوب عليها الفرماج وبالصحة والراحة

Gefällt mir

CAKE comme celui des patisserie

كيك منفوخ بحال ديال المحلبات- الشيف هدى اليداري
6 بيضات + 2 ساشي فاني + كاس عنبة و ربع ماء دافي + 300 غرام سكر سنيدة + كاس عنبة و ربع زيت + م ص خل نطرب هادشي جيدا حتا نحصل على كريمة بيضاء ثم نضيف تدريجيا 4 كؤوس دقيق مغربل مع نصف ملعقة صغيرة بيكاربونات الصوديوم +4 خمارات + نصف كاس نشا و نستمر في التطراب
ندهن المول بالزبدة و نرشه بالدقيق و نخويو الخليط ندخلوه لفران ما مسخنش من قبل و نخليوه يطيب علة نار مهيلة مدة 35 دقيقة
من بعد ما يطيب و يبرد ندهنوه بالمربى ديال المشماش و نرشو عليه الكوك أو اللوز إيفيلي

بالصحة و الراحة

SAUCE AUX CHOCOLAT POUR DECORER GATEAU

كريمة الشوكولا سهلة لتزيين الكيك - الشيف هدى اليداري
في حمام مريم نديرو 100 غرام شوكولا سوداء + كاس ياغورت كريمي ديال الشوكولا + 2 م ك حليب سائل + م ك زبدة أو م ك زيت المائدة
نخليو كلشي يسخن مع التحراك و نصب الخليط فوق الكيك و هو سخون و ندخلوه للثلاجة

بالصحة و الراحة

Ge

LOBIA HOUDA YADARI

سر بنة اللوبيا - الشيف هدى اليداري
نصف كيلو لوبيا نرقدوها في الماء ليلة كاملة مع م ص بيكاربونات الصوديوم باش نحيدو منها الغازات
في طنجرة نضع ربع كاس زيت بلدية + 2 م ك زيت المائدة + 4 فصوص ثوم محكوكين + 2 م ك قزبر و معدنوس + ورقة سيدنا موسى نخليو هادشي يتشحر 2 دقائق و نضيف 3 حبات طماطم محكوكين بالزريعة و نغطيو على الطنجرة مدة 5 دقائق ثم نضيف حبة جزر محكوكة + م ص تحميرة + نصف م ص كامون + نصف م ص قزبر يابس + ضامة زعفران كاملة + الملح + ربع م ص عطرية المروزية + م ك ماطيشة الحك + م ص هريسة (اختياري) و نشحر و نضيفو الماء البارد ماشي سخون و اللوبيا ثم نضيف حبة ديال التمر بدون عضم
فاش طيب اللوبيا نحيدو الحبة ديال التمر

بالصحة و الراحة

بريوش حلوين - الشيف هدى اليداري

نصف كيلو دقيق +2 بيضات + ساشي فاني بمذاق الزهر +قطرات من الخل + 3 م ك زيت المائدة + 2 م ك زبدة مرخوفة + خمارة ديال الحلوة + م ك خميرة الخبز + م ك بودرة الحليب + الملح + نصف كاس سكر + كاس حليب أو ياغورت طبيعي على شكل كريمي
نعجنو المقادير بالماء أو عصير البرتقال حتا يتجمع العجين جيدا نخليوه يرتاح 15 دقيقة عاد نضيفو الزبدة و نعجنوها جيدا مع العجين
ثم من بعد نشكلو كويرات متوسطين و نديروهوم في لاطة مرشوشة بشوية ديال الطحين و ندهنوهوم بأصفر البيض و نرشو عليهم الزنجلان أو السكر سنيدة و نخليهم يخمرو 30 دقيقة عاد ندخلوهوم يطيبوفي الفرن مدة 20 دقيقة تقريبا
بالصحة و الراحة

FEKKAS NAKHALA

فقاص بالنخالة لأصحاب داء السكري - الشيف هدى اليداري
نصف كاس زيت المائدة + نصف كاس عصير أو المندارين + 3 بيضات +125 غرام زبدة العبار + خمارة حلوة+ ملحة + زلافة نخالة ما مغربلاش + ساشي فاني + 2 م ك ماء + زلافة دقيق + 100 غرام لوز مقطع دوائر + ملعقة ماء الزهر + م ص نافع . ممكن تضيفو حتا الزبيب
نعجنو أولا الزيت و الزبدة و باقي المقادير ثم نضيفو في الأخير النخالة ثم الدقيق .
نحربلو الفقاص و ندهنوه بأبيض البيض و نفندو الحريبلات في النخالة و نوضعوهوم في اللاطة يطيبو في الفرن نصف طيبة ثم نجبدوه و نغطيوه بزيف مفزك في ماء الزهر حتا يبرد شوية وندخلوه للمجمد يقبط راسو باش يسهال التقطاع .
من بعد ما يتقطع ندخلوه يكمل الطياب في الفرن
بالصحة و الراحة

GATEAU FLORANTAINE

حلوة فلورنتين - الشيف هدى اليداري
120 غرام سكر سنيدة + 50 غرام عسل + 160 مل قشدة طرية ديال الطبخ +50 غرام كركاع مقطع أو اللوز + 50 غرام مشماش مقطع مربعات صغيرة
نأخد كاسرول ناشفة و نديرو فيها السنيدة و نشعلو النار مهيلة و نخليوها حتا تاخد اللون بحال كاراميل عاد نضيفو عليها العسل و القشدة و نحركو جيدا بالمغرفة على عافية متوسطة مدة 2 دقائق حتا تبدا تغلى شوية و نزولوها فوق النار . ثم نضيفو باقي المقادير و نحركو بالمغرف حتا يبرد شوية و نخويو الخليط في المول ديال السيليكون من الأحسن يكونو الأشكال مستديرة أو مربعة و نوضعو المول وسط لاطة و ندخلوه للفرن مدة 10 دقائق و نجبدوها تبرد و نزولو الحلوة من المول
نغسلو المول جيدا و نخليوه حتا ينشف و نوضعو وسط كل حفرة م ك من الشوكولا المذابة و نسرحو بالملعقة و نرجعو القطع ديال الحلوة داخل المول فوق الشوكولا . ثم نوضعوهوم في المجمد يبردو عاد نقدموهوم. 

بالصحة و الراحة

لكرص البلدي : الشيف هدى اليادري

 
نص كيلو من دقيق الفرص +م ك خميرة الخبز +م ك نافع+ 2 م ك جنجلان +حبة مسكة حرة +نص كاس من سكر سنيدة +بيضة وجدة +نص كاس من زبدة مرخوفة +كيس فاني اختياري +ماء دافي كنجمعو العجين ديالنا وندلكوها مزيان وتكون عجينة مرخوفة ونخليوها تخمر ربع ساعة
كنعملو من العجين كريصات وكنبسطوهم شوية ونخليوهم يخمرو تقريبا 45 دقيقة ثم كندهنوهم بالبيض ونرشوهم بالجنجلان وندخلهم للفران يكون سخون اولا ونخليوهم لمدة ثلث ساعة والصحة والراحة.
 

PATATE mAKOUDA

معقودة البطاطا - الشيف هدى اليداري
نصف كيلو بطاط مسلوقة بالقشرة ديالها مع شوية الملح ثم نقشروها و نمعسوها ب فورشيط و هي سخونة و نخلطو معاها معلقة كبيرة ربيع مقطع + ضرس ثوم محكوك + ملح + م ك زيت زيتون + شوية تحميرة + شوية قزبر يابس + شوية سودانية + م ص فورص أو عوض الفوص لاشابلير كنخلطو هادشي جيدا
نحضرو الآن البيني اللي غادي نغطسو فيه البطاطا
بيضة + 3 م ك ماء عادي + م ك دقيق فورص + ملح + نصف خمارة حلوى + خرقوم + ثوم غبرة + شوية زعتر + معدنوس كنخلطو هادشي حتا نحصلو على عجين بحال عجين الكيك أو أخفف شوية
كناخدو كويرات من البطاطا و نبسطوهوم شوية و نفندوهوم في الفورص عاد نحطوهوم في فورشيط و نغطسوهوم في البيني و مباشرة نديروهوم في حمام زيت يكون سخون حتا يتحمرو شوية

بالصحة و الراحة

GATEAU D ANNIVERSAIRE PRESTIGE

حلوى الأوبرا - الشيف هدى اليداري
4 بيضات + 100 غرام بودرة اللوز(يعني اللوز مغسول و ومطحون بالقشرة ديالو ) + 150 غرام دقيق ( إذا ماكانش متوفرة بودرة اللوز فهاد الحالة نسنعمل 200 غرام دقيق) + نصف خمارة + م ك ماء + م ص كليكوز + 150 غرام سكر سنيدة + روح النوكة
نفصل أصفر البيض بوحدو و نطربوه مع الماء + السنيدة + روح النوكة و الكليكوز ثم نضيفو الدقيق و بودرة اللوز و نصف الخمارة
في إناء آخر نطرب أبيض البيض مع القليل من الملحة حتى يولي بحال الثلج و نزيدوه على الخليط السابق و ندخلو الجينواز للفرن مدة 8 دقائق
نقدرو نديرو في مول واحد منين طيب نقسموها على 2 أو نقسمو الخليط على 2 مولات بنفس الحجم
حجم المول المستطيل المناسب لهذه المقادير 30/40
الكريمة : 4 أصفر البيض + سيرو + الفاني
لتحضير السيرو نخلطو كاس سنيدة مع نصف كاس ماء حتا يغلى جيدا و نزولوه فوق النار مباشرة نكبوه فوق أصفر البيض تدريجيا و حنا كنطربو حتى يصبح اللون أبيض ثم نضيفو 200 غرام شكلاط بالحليب مذاب في حمام مريم و نستمر في التطراب
نأخد 300 غرام قشدة طرية ديال الحلوى و نطربوها جيدا ثو نضيفو ليها الخليط السابق تدريجيا حتى نحصل على كريمة خفيفة و نضيفو 100 غرام زبدة مرخوفة + 2 م ك براليني ديال اللوز خفيف.
الطبقة المقرمشة : نذوبو 100 غرام شوكولا بالحلييب و نزيدو عليه 50 غرام براليني + 100 غرام فيلتين
الكلاصاج : حليب مركز على شكل كاراميل نزيدو عليه نصف كاس حليب مغلى نخلطو جيدا و نخليوهم يذوبو في حمام مريم
نضع الطبقة 1 من الجينواز و نسقيوها بالسيروو نديرو كمية من الكريمة اللي حضرنا ونوضعو الطبقة 2 من الجينواز ثم الطبقة المقرمشة و ندخلو الحلوى للمجمد 10 دقائق ثم نوضعو طبقة أخرى من الكريمة المتبقية و نزينو بالكلاصاج و نرجعوها للمجمد تبرد
بالصحة و الراحة