kabab قطبان اللحم منسمين بالنعناع - الشيف هدى اليداري

مقادير ليقامة
بصلة محكوكة + 2 فصوص ثوم + نصف م ص تحميرة + نص م ص كمون + نص م ص قزبر يابس + م ك خل أو عصير الحامض + ملح + ربع م ص موطارد ( اختياري) + م ك ربيع مقطع + 2 م ك زيت الزيتون + 2 وريقات نعناع مقطعين صغار ( من الأحسن نعناع العبدي) + ربع معلقة ص اسكنجبير + 2 م ص الصوجا ( اختياري)
نخليو اللحم مرقدة ساعة على الأقل . و كلما بقات مرقدة كلما أحسن ..و ممكن إضافة الفلفل بالألوان حتا هوما يبقاو مرقدين مع اللحم

بالصحة و الراحة

Dala mramra ضلعة معمرة : الشاف هدى اليادري

 ·

كناخدو ضلعة كنفتحوها من بلاصة العمارة وكندهنوها بهاد التتبيلة زلافة صغيرة كنعملو فيها نص كاس من الماء +شوية زعفران حر +ملح +نص م ص عطرية اللحم +شوية سكنجبير +شوية خرقوم + كندهنو الضلعة من الداخل ومن برا وكنمشو نوجدو الحشوة
كلاوي مقطعين مربعات + كفتة متبلة بالعطرية +بصلة مشلضة رقيق +زيت المائدة او زيت الزيتون +ملح نشحروهم في مقلة على عافية مهيلة كنزيدو عليهم م ك عصير الحامض +2 ضروس ثومة محكوكين منين يتشحرو شوية كنزيدو العطرية سكنجبير ابزار الزعفران حر خرقوم بلدي نص م ص من عطرية اللحم +2 م ك من الماء ثم الكفتة اللي كنفرتوها ونخليو الكل يتشحر ويطيب كنزيدو شوية الفطر الابيض المعلب +4 م ك قشدة طرية او ياغورت كريمي مسوس ونطفيو البوطا عاد كنزيدو 100 غرام من الفرماج الاحمر
وكبداو نعمرو الضلعة وكنسدوها بعود الاسنان كيردو يمكن نطيبو الضلعة في طنجرة لمدة 30 دقيقة عاد كنعملوها في طاوة الفران كنغلفوها بورق الطبخ وورق الالمنيوم ومنساوش نحطو في طاوة الفران زلافة فيها كاس عنبة من الماء معاه م ك من الزبدة باش البخار اللي غيخرج من الماء يرطب لينا اللحم ومايجيش قاصح منين طيب كنقدموها على وريقات من الخس او مع خضر مسلوقة او مفورة وبالصحة والراحة ....جميلة كتمنى ليكم شهية طيبة

كيكة في الكويغطات ساهلة - أمينة من سلا cake en papiere

كيكة في الكويغطات ساهلة - أمينة من سلا
مقادير الكيك
5 بيضات + كاس يوغورت فاني + كاس ديال اليوغورت نعبرو بيه الزيت + نفس العبار من السكر + قبصة ملحة + 3 خمارات
نطربو مزيان العناصر مع بعضها ثم نضيفو الدقيق تدريجيا تقريبا 2 كيسان و في آخر مرحلة نضيفو الخمارات
ندهنو القالب بالزبدة و نكبو فيه الخليط و نخليوها طيب
منين طيب و تبرد نفرتو الكيك بيدينا و نديروه في خلاط و نضيفو عليه علبة بودرة الشوكولا + 8 ملاعق كبار سكر + 8 ملاعق كبار مربى سائل ديال المشمش.. نخلطو كلشي و نفرغوه فشي إناء و نبداو نشكلو صبيعات طوال من الخليط و ندوزوها في الشوكولا دايبة و نحطوها في كويغطات و أخيرا نزينو بالطريقة اللي بغينا .

Übersetzung anzeigen

Gefällt mir

Kommentieren

salade moderne بسطيلة محنشة مربعة : الشاف هدى اليادري كتكون من 3 طبقات

الطبقة الاولى: كيلو ونص لحم بالعظم ديالو +2 بصلات مشلظين +2 فصوص توم+100 غرام زبدة +2 مك زيت زيتون +ورقة موسى +ملح يتشحر الكل في طنجرة لمدة 10 الدقايق ثم كنزيجو سكنجبير سنتيم الى كان طري او نص م ص الى كان مطحون +زعفران حر +ثم الماء ونخليو اللحم يطيب ثم كنهزو اللحم من الطنجرة ونخليو لاصوص او الدغميرة تعقاد شوية و واللحم اللي طاب كنحيدو ليه العظم وكنعاودو نردوه للطنجرة حتى كينشف وكنحطوه يبرد شوية
الطبقة التانية :كناخدو 2 حزمات من السبانيخ كنقيوه ونغسلوها ونقطعوها بحال البقولة كنعملوه في مقلة كنزيدو عليه م ك من الزبدة +ملح+ثومة غبرة وكنشحروها مزيان حتى كطيب وتنشف السبانيخ وكنزيدو عليهم م ك من المعدنوس مكرد ونزلوها من على العافية ونخليوها تبرد
الطبقة التالتة: كنحتاجو 100 غرام من فطر اسود + فطر ابيض معلب +كاس ونص من قشدة طرية تقيلة كناخدو كاسرونة كنعملو فيها م ك من الزبدة كنشحرو فيه الفطر ابيض واسود وضرس ثومة لمدة 5 دقايق +ملح +ابزار عاد كنصبو القشدة ونخليوها تغلى حتى تعقاد في الاخير كنزيدو عليها 150 غرام من الفرماج احمر محكوك ونزلو الصلصة من على العافية .
كنحتاجو كدلك كيلو الاربع من الورقة البسطيلة حجم كبير +120 قطعة من فرماج الشندويش + بيضة مطربة مع شوية الخل +زلافة فيها زيت المائدة مع شوية الملح والابزار .
الطريقة :
كنستفو الورقة بشكل مربع الى عندنا مول مربع او معندناش كنحطو وحدة حدى وحدة 4 من الورقات حتى كنحصلو على شكل مربع كندهنو بالزيت المنسم بالملح والابزار ثم كنعملو طبقة من اللحم اللحم كنقسموه على 2 كميات كنحطو الكمية الاولى من اللحم وكنسقيوها بصلصة الكريما وكننستفو قطع الفرماج المربع ثم طبقة السبانخ ونسقيو بالصلصة الكريما ثم قطع الفرماج ونعاود طبقة اللحم و الصلصة ثم الفرماج الجناب ديالو الورقة اللي عمرنها كنلووهم للجنب بلا منسدو البسطيلة من الفوق كنلسقو بالبيض الطرب
كناخدو كمية من الورقة كنلويوها وكنقطعوها كيخرجو لينا اشرطة ملتوية كنفكوهم كندهنو الوجه البسطيلة اللى معري وكتبان لينا الحشوة كندهنوه بالبيض وكنوزعو عليه الورقة اللي قطعناها بشكل عشوائي مشعكك
كناخدو كمية من ورقة البسطيلة خاوية كنلويوها على شكل سكار وحدة مع وحدة حتى كيولي عندنا بحاتل شكل ثعبان كنحاولو ندوره على البسطيلة بشكل مربع كنعملو كادر وكنعاودو اخر كيجيونا بحالا عملنا 2 من الكادرات دايرين بالبسطيلة اللي عمرناها كناخدو شوية من الورقة اللي قطعنها وكنلسقوها بالبيض على هد الجناب او الورقة اللي دورنها على البسطيلة كندهنو بالبيض وندخلوها للفران تاخد الطياب ديالها بالصحة والراحة ....من جميلة شهية طيبة

Übersetzung anzeigen

Gefällt mir

KommentierenTeilen

Citron confits طريقة تعسيل الحامض أو البرتقال - فاطمة قنيطرة

طريقة تعسيل الحامض أو البرتقال - فاطمة قنيطرة
نقطعو الحامض أو البرتقال دوائر رقيقة و نحيدو ليهم العضم.
ناخدو طنجرة نديرو فيها الماء نخليوه يغلى و نحطو فيها الدوائر حتى طلع فيهم الغلية و نخويو الماء و عاودو نعمرو ماء جديد بنفس الطريقة و نديرو فيه الدوائر ديال الليمون و نخليوه يغلى .ممكن نعاودو العملية 3 مرات باش نتخلصو من المرورة
من بعد نصفيو الشرائح من الماء و نقطعوهوم مربعات صغيرة
بالنسبة لكمية السنيدة دائما تكون ضعف كمية الحامض أو البرتقال ( نصف كيلو ليمون=كيلو سنيدة)
ناخدو السنيدة نقسموها على 2 و نديرو النصف الأول في طنجرة مع الماء الكافي على النار و نخلطو مزيان منين يبدى يغلى نحطو فيه الليمون عاد نزيدو ما تبقى من السنيدة و نخليوه يتعسل .
في المرحلة الأخيرة ناخدو القطع ديال الليمون نفندوهوم في السنيدة و نحتافظو بيهم فشي قرعة

بالصحة و الراحة .

Gefällt mir

Kommentieren

cake plusieurs partie كيكة الطبقات - أمينة مراكش

الطبقة 1
ك ص زيت + كاس صغير سنيدة + 2 بيضات + 2 خمارات + ربع كاس عصير الحامض + قشور الحامض + نصف كاس ماء غليان + دقيق حسب الخليط
نطربو البيض مع السكر حتى طلع الرغوة و نضيفو الزيت و عصيرالحامض مع القشور و مع الإستمرار في التطريب / بعد ما نطربو مزيان نضيفو الماء يكون يلاه مغلي و نضيفو الدقيق تدريجيا تقريبا 2 كيسان عنبة ثم الخميرة
نخويو الخليط في مول دائري اللي كيتحل من الجناب بعد ما ندهنوه بالزبدة و الدقيق و ندخلوه للفرن مدة 8 حتال 10دقائق
الطبقة 2
نأخد كريم باتيسري و نخلطو معاها ياغورت طبيعي كريمي + 2 فرماج مثلت
أو نأخد 4 ياغورت طبيعي كريمي و نخلطوه مع نصف كاس سنيدة
نخويو الكريمة على الطبقة اللي طابت في الفرن و نعاودو ندخلوه للفران غير شوية باش تجمع الكريمة غير شوية .
الطبقة 3
ناخد نصف لتر ليمون مصفي + السكر حسب الذوق ثم نأخد الجيلاتين نرطبوها في الماء و نضيفوها للعصير أو إلا ما توفراتش الجيلاتين نأخد 2 م ك نشا نذوبوها فشوية من عصير الليمون عاد نخلطوها مع نصف لتر ديال اليمون و نشعلو عليهم النار مع التحريك جيدا

في المرحلى الأخيرة نخويو الليمون فوق الطبقة ديال الكريمة و ممكن نستفو أي نوع الفاكهة عاد نخويو الليمون و ندخلو الكيكة للثلاجة تبرد عاد نقدموها
بالصحة و الراحة

Übersetzung anzeigen

beignet facile houda yadari

بيني بطريقة سهلة - الشيف هدى اليداري
المقادير:
رابعة ديال الفورص + بيضة + م ص ديال خميرة ديال الخبز + واحد ياغورت صغير طبيعي ديال الفاني + واحد خمارة ديال الحلوى + 2 ملعقات ديال الزبدة + ماء دافئ + واحد صاشي ديال الفاني + م ك ديال سنيدة.
نخلطو جميع المقادير و بالنسبة للخميرة ندوبوها ف شوية الماء سخون ونضيفوها ثم ونعجنوه بالماء بارد أو بالحليب حتى نحصلو على عجينة خفيفة و نخليوها ترتاح 5 دقاائق
من بعد نسرحو العجين بالمدلك رقيق شوية و نقطعو بالكاس و نحطو الدوائر تخمر مدة 30 دقيقة
منين يخمرو نشعلو على الزيت اللي خاسو يكون كثير و نحطوهوم يتقلاو
ملاحطة : غير تحطوها قلبوها قبل ما تحمر باش تنفخ .
ممكن تفندوه في السنيدة أو تعمروه بالمربى أو بكريم باتيسري

بالصحة و الراحة
هدى

Gefällt mir

Kommentieren

Gateau Fekkas makatharach Chada FM

فقاص مكيتهرش: للمستمعة فاطمة من قنيطرة
المقادير
كنحتاجو 8 البيضات كعملوهم في خلاط وكنظربهم تم + كاس ونص من سنيدة +2 كيس فاني +كاس عنبة من الزيت منين كنخلطو الكل تم كناخدو اناء كوضعو فيه المقادير اللي عملنا في الخلاط كنزيدو عليهم كاس من الجنجلان محمر +كاس من لوز بقشرتو +كيلو من الطحين اللي كنغربلو معاه 2 خمارات الحلوة كنخلطو المقادير كلها مزيان ثم كنعملو منها كورات كيكونو قد قد يعني نعبرهم ثم كنصيبو منهم بودانا حرابل غلاظ نخليهم ربع ساعة ثم ندخلهم للفران مشعول من التحت حتى كيدخل الفقاص الطيلب وكنشعلو من الفوق عافية متوسطة منين كيطيب الفقاص كنغطيوه بزيف شوية الوقت ثم كنقطعوه ومغيتهرش لينا ...ونقدموه بالصحة والراحة ...جميلة كمنى للجميع سنة هجرية سعيدة

Übersetzung anzeigen

Gefällt mir

Kommentieren

Gateau Fekkas Beldi houda yadari

فقاص : هدى اليادري
5 البيضات +كاس من الزيت +ربع كاس من الماء +م ك نافع كنسخنوه شوية +قبصة من الملح +200 غرام من سنيدة +قشرة من الليمون او الحامض +100 غرام زبدة +م ك بودرة الحليب +ربع كاس حليب سائل +150 غرام من كوكاو او اللوز اللي كنرقدوه في ماء مع مع ماء الزهر كنرقدوه ساعة عاد كنزيدوه للمكونات ص)حيح + م ك ماء زهر +كيس من فاني بنسمة لزهر +قطع من مشماش مربعات +2 خمارات كنخلطو كلشي كنزيدو الدقيق حسب قياسنا حتى كنحصلو على عجينة بحال الخبز شوية رطبة كنعملو من العجين بودنات اللي كندهنوهم بصفر بيضة مخلطة مع م ك ماء وشوية القهوة السريعة مدوبة في الماء كندهنو الفقاص وكندخلوه للفران نين يشد في راسو الطياب كنخرجو من الفران منغطيه بفوطة مفزكة بالماء والزهر وكنحطوه في المجمد ساعة ثم كنقطعوه وندخلوه للفران ياخد الطياب ديالو بالصحة والراحة

Gateau Krachel a l'orange

قريشلات حلوين بمذاق الليمون - الشيف هدى اليداري
المقادير
نص كاس عصير البرتقال + قشر برتقال + م ك حليب بودرة + م ك نافع منقي و مصهد في المقلة شوية + 2 م ك زنجلان + نصف كاس زيت الزيتون + شوية خميرة الخبز + ملح + نصف كاس سنيدة + م ص زبدة مرخوفة + 2 بيضات + م ك ماء الزهر + كاس كبير ماء دافي ( كاس عنبة و نصف) + نصف كاس عنبة حليب

نخلطو كلشي مزيان و نضيفو الدقيق تدريجيا حتى نحصل على عجين متماسك تقريبا بحال عجين الخبز. ثم نقسموع على أجزاء و نحربلوه رقيق و نحطوه في المجمد يقبط راسو. من بعد نقطعوه قطع صغيرة و نديروه في الفرن.
بالصحة و الراحة .

Fekkas salee de achoura Chada Fm

فقاص مالح ديال عاشوراء - الشيف هدى اليداري
مقادير
500 كرام طحين مغربل ما يعادل 2 زلايف نوضعوه في الكصعة و نديرو حفرة في الوسط و نضيفو ياغورت طبيعي بدون سكر +م ص ملحة + م ص موطارد (اختياري) + ربع ملعقة ص إبزار + ربع كاس زيت زيتون إلا كان حلو أو زيت عادية + 2 قطع فروماج مثلث + ضامة ثومة صغيرة + م ص زبدة + ماء عادي
(ماشي ضروري من الخميرة )
نخلطو المقادير فيما بعضها و نعجنوها بالماء حتى يتشكل العجين مزيان ثم نقسموه على 4 و نخليوه يرتاح مدة 30 دقيقة في الثلاجة
التنسيم :
1- من بعد ناخدو الجزء الأول من العجين نخلطو معاه شوية ديال الزعتر مطحون أو أوراق نحكوهوم بيدينا و نعجنوهوم مع العجين ثم نطلقوه بالمدلك و نقطعو بالقطاعة الشكل اللي بغينا
2- الجزء الثاني نخلطو معاه السودانية و نديرو ليه نفس الطريقة نسرحوها بالمدلك ونقطعو
3- الجزء الثالث من العجين نخلطو معاه فروماج أحمر محكوك تقريبا 50 كرام و نسرحوه بالمدلك حتا هو يمكن لينا نقطعوه بالجرار على شكل مستطيلات صغار و نديرو عليه الفرماج من الفوق و ندهنوه بالبيض أو نسرحوه بالمدلك و ندهنو فيه م ديال الموطارد و نرشو الفرماج و نلويو العجين و ندخلوه للمجمد حتا يقبط راسو و نقطعوه
4- الجزء الرابع غادي نديروه على شكل بيتزا نطلقوه بالمدلك على شكل مستطيل ندهنوه بصلصة الطماطم (التي تستعمل في بيتزا) و نستفو الزيتون الأخضر أو الأسود وحدة ملاصقة مع وحدة على شكل طولي و لفوه و ديروه في المجمد عاد قطعوه.
من بعد دخلوهوم للفرن يطيبو
(بالنسبة للأشكال كتبقى اختيارية كل سيدة دير الشكل اللي بغات )
بالصحة و الراحة .. هدى

Gateau Cake au flan de chpcolat

كيكة الفلان شوكولا - الشيف هدى اليداري
4 بيضات نضيفو معاهم نصف ملعقة خل +2 م ك ماء + كاس عنبة إلا ربع سكر سنيدة
نطربو كلشي مزيان ثم نضيفو نصف كاس زبدة مذابة ديال العبار أو العلبة +100 كرام شوكولا مذابة في حمام مريم نضيفوه تدريجيا مع الإستمرار في التطريب ثم نضيفو الملح
نخلطو 2 أكياس ديال الفلان شوكولا مع 2 كيسان دقيق مغربل و م ك بودرة الكاكاو و 3 خمارات و نضيف كلشي على الخليط السابق تدريجيا مع التطريب المستمر
في مول مدهون و مرشوش بالفورص نديرو الخليط و ندخلو الكيك يطيب
التزيين
نديرو كااس ديال الماء + م ص زبدة + م ص زيت منين يغلى الماء نضيو 100 كرام شوكولا منين يذوب الشوكولا مزيان نحيدو هادشي فوق النار و نضيفو م ك بودرة الكاكاو و نطربو هادشي يدويا مزيان
نخليو الكاناش يبرد 10 دقائق و نخويو فوق الكيك غير من الفوق ثم نزينو بالشوكولا بيضاء محكوكة
بالصحة و الراحة هدى

Gateau Cake au flan caramel

كيك بالفلان كاراميل
4 بيضات + قبصة ملحة + كاس سكر سنيدة + م ص خل + 2 م ك ماء
نطربو البيض مزيان مع هاد العناصر ثم نضيفو ياغورت فلان كراميل + م ك بودرة الحليب (اختياري) + نصف كاس زيت + م ك زبدة نطرب الكل ثم نضيفو 2 كؤوس و نصف دقيق مع 3 خمارات و 2 فلون كاراميل مع الإستمرار في التطريب
ندهن المول بالزبدة و نرشوها بالدقيق و ندخلوها طيب. منين طيب نخليوها في المول ثم نأخد كيس فلان كاراميل نخلطوه مع كاس حليب و م ك سنيدو و نديروهوم يغلاو ثم نحطوهوم يبردو شوية ثم نخويوهم فوق الكيك و نثقبوه الكيك عدة ثقوب باش تشرب الفلان
ندخلو الكيك للثلاجة 3 ساعات ثم من بعد ندهنوها بالمربى و نرشو عليها اللوز إيفيلي أو السكر كلاصي .( التزيين اختياري)

krachel chada FM

الكعك المسفيوي : بشرى من اسفي
2 كيسان من سنيدة+2 كيسان زيت +2 كيسان ماء+ 2 خمارات حمرين + كاس مخلط من جنجلان ونافع اللي كنقيوه وكنسخنوه شوية في الفران مطفي +كيلو فورص ممتاز
كنخلطو السنيدة الزيت الماء والجنجلان والنافع كنخلطو كلشي مزيان كتكون عجينة سائلة ثم كنضيفو الخميرة ثم الدقيق شوية بشوية حثى كنحصلو على عجينة لينة كنصيبو منها حرابل طوال وكنقطعوه قطع اكبر من الحمصة بشوية وكندورها بشكل كروي بالسبابة ديالنا كنبقاو غادين بهاد الطريقة حتى كنكملو وكنستفوهم في الطاوة وندخلوهم للفران ونقابلهم على درجة حرارة متوسطة نحركهم مرة مرة باش ياخدو تحميرة وحدة منين يطيبو نقدموهم بالصحة والراحة ...من جميلة شهية طيبة

·

Gateau Cake sans farine Chada FM

كيكة بدون دقيق - أمينة من مراكش
نأخد الخلاط الكهربائي نديرو فيه 3 بيضات + كاس عنبة سنيدة + نصف كاس زيت نخلطو كلشي ثم نضيفو كاس حليب + 3 م ك كاكاو+ م ك نشا + باكية باسكوي نقطعوه طريفات و نضيفوه مع الخليط ثم من بعد نضيفو 2 خمارات .
ندهن المول بالزبدة و نرشوها بالدقيق و نصبو فيه الخليط و ندخلوه للفرن تقريبا من 20 دقيقة .
في هذا الأثناء نأخد كاس حليب و نذوبو فيه القهوة سريعة الذوبان تقريبا كيس واحد و نحطوه يبرد في الثلاجة
ثم نأخد ياغورت طبيعي ديال 2.5 دراهم و نخلطو معاه الكاكاو حتى يصبح اللون ديالو بني و ندخلوه للثلاجة يبرد
بعد ما يطيب الكيك نحيدوه من المول و نسقيوه بالحليب و القهوة اللي درنا في الثلاجة ثم ندهنو الوجه ديالو بالكريمة اللي حضرنا.

بالصحة و الراحة .. هدى

Übersetzung anzeigen